Мета компани “take it down” платформыг дэмжин ажиллана

Технологийн компаниуд хэрэглэгчийнхээ хувийн мэдээллийг хамгаалах, хууль бусаар ашиглахаас урьдчилан сэргийлэх тал дээр хүмүүс шүүмжлэлтэй хандсаар ирсэн. Мета компанийн зүгээс цахим орчин дахь хүний хувийн мэдээллийг хамгаалах, аюулгүй байдлыг хангах чиглэлээр үе шаттай арга хэмжээ авсаар ирсэн ба өнгөрсөн жил Мета компани өсвөр Өсвөр насныхан болон тэдний хувийн нууцыг Facebook, Instagram-д хамгаалах зарим зохицуулалтыг хийсэн.

Үүний нэг жишээ бол Мета компани нь АНУ дахь Сураггүй алга болсон болон Мөлжлөгт өртсөн хүүхдүүдэд туслах олон улсын төв /National Center for Missing and Exploited Children/-өөс хүүхдийн хувийн зураг, бичлэгийг цахим орчинд тархахаас урьдчилан сэргийлэх, түүнтэй тэмцэх зорилгоор хэрэгжүүлж буй Take It Down платформтыг дэмжин ажиллахаар боллоо.

Take It Down платформ нь цахим орчинд 18-аас доош насны хүүхдийн биеийн бүтэн болон хагас нүцгэн зураг, бичлэгийг бэлгийн мөлжлөг, хүчирхийллийн зорилгоор түгээх, хуваалцахыг олж илрүүлэх, таслан зогсоох, устгах зорилготой цахим систем юм.

Сураггүй алга болсон болон мөлжлөгт өртсөн хүүхдүүдэд туслах олон улсын төв нь “Take It Down” платформд хандаж буй хэрэглэгчийн талаарх мэдээллийг нууцлал, аюулгүй байдлыг бүрэн хангадаг бөгөөд тус системийг хүн бүхэн төлбөргүй ашиглах боломжтой.

Нийгмийн сүлжээн дэх хүүхдийн нүцгэн зураг, бичлэгийн талаар “Take It Down” системд мэдээлснээр уг мэдээлэл нь кодлогдож таних тэмдэглэгээтэй болж тухайн зураг, бичлэг цахим орчинд тархахаас урьдчилан сэргийлэх чухал ач холбогдолтой юм.

Мета компани дээрх цахим системийг хөгжүүлэхэд санхүүгийн дэмжлэг үзүүлэхээс гадна Facebook болон Instagram-д уг платформыг нэгтгэхээр ажиллаж байна.