Хакатон тэмцээн боллоо
Харилцаа холбооны зохицуулах хороо нь Google-ийн Women Techmakers хөтөлбөрийн Монгол дахь багаас санаачлан Women's Online Safety сэдвийн дор Dare To Be уриатайгаар технологийн шийдэл ашиглан охид, эмэгтэйчүүдийн цахим орчин дахь аюулгүй байдлыг хангах, эрсдэлээс хамгаалах зэрэгт шийдэл олохтой холбоотойгоор хакатон тэмцээний дэмжигч байгууллагаар ажиллаа.
Тус Хакатон тэмцээн Нийслэлийн Инновци хөгжлийн газрын Hub Innovation Center-т 2023 оны 03 дугаар сарын 08-ны өдрөөс 12-ны өдрүүдэд болсон ба тэмцээнд нийт 120 гаруй оролцогч бүртгүүлснээс эцсийн шатанд 8 багийн 36 оролцогч, 4 воркшоп сургалт, 7 ментор оролцож 62 онлайн болон биет уулзалт зөвлөгөөнүүд явагдлаа.
Хакатон тэмцээний эхний 3 байранд WeWo, Jump, Boo гэсэн багууд шалгарлаа.
- WeWo баг - Төслийн санаа нь өөрийн түүхийг бусадтай хуваалцаж бусдаас сэтгэлийн дэм, зөвлөгөө авах. Мөн, бусдад зөвлөлөө өгч дусал хэлбэрээр оноо цуглуулах аппликейшн
- Jump баг - Вэбсайтуудын аюултай эсэхийг мэдэгддэг browser extension
- Воо баг - Хүмүүст цахим аюулгүй байдлаас өөрсдийгөө хамгаалах дадал хэвшил суулгах зорилготой аппликейшн
Бусад багуудын хувьд сэтгэл зүйн зөвлөгөө өгөх мэргэжилтнүүдтэй холбодог апп, чатбот, зөвлөгөө мэдээлэл хүргэдэг вэбсайт, бүдүүлэг бохир үг хэллэгийг харуулахгүй байдаг апп, ойр дотны хүмүүстээ өөрийн байршлыг илгээдэг апп зэрэг санааг дэвшүүллээ.