Цахим орчинд "харилцан хүндэтгэе"

“ХАРИЛЦАН ХҮНДЭТГЭЕ-2023” АЯНД НЭГДЭЖ БАЙНА

Швейцарын хөгжлийн агентлаг, НҮБ-ын хүн амын сангийн дэмжлэгтэйгээр Жендерийн үндэсний хорооноос “Надаас, танаас, биднээс эхлэлтэй” уриан дор үндэсний хэмжээний “ХАРИЛЦАН ХҮНДЭТГЭЕ-2023" аянг 2023 оны 03 дугаар сарын 01-ээс 1 сарын хугацаатай зохион байгуулж байна.

Тус аян жендэрийн эрх тэгш байдлыг хангах төрийн бодлого, хууль тогтоомжийг аж ахуйн нэгж, байгууллага, олон нийтэд сурталчлан таниулах, жендерийн хэвшмэл ойлголт, жендерт суурилсан хүчирхийллийн талаарх ойлголт, мэдлэгийг нэмэгдүүлэх, сайн туршлага, санаачилгыг түгээн дэлгэрүүлэх зорилготой юм.

Харилцаа холбооны зохицуулах хороо “ХАРИЛЦАН ХҮНДЭТГЭЕ-2023” аянд нэгдэж, аяны хүрээнд жендерийн хэвшмэл ойлголтыг засаж, эмэгтэйчүүд эрэгтэйчүүдийн нийгэмд эзлэх байр суурь, оролцоог ижил тэгш болгох, нийгмийн бүхий л харилцаанд харилцан хүндэтгэлтэй байж, өсвөр насныханд үлгэр дуурайлал үзүүлж, жендерийн мэдрэмжтэй төлөвшил бий болгох, цахим орчинд ялгаварлан гадуурхалтыг багасгах зорилгоор нөлөөллийн ажлуудыг өрнүүлэх болно.

#ХАРИЛЦАН_ХҮНДЭТГЭЕ_2023_БИД_НЭГДЭЖ_БАЙНА

ТА Ч БАС НЭГДЭЖ ЖЕНДЕРИЙН МЭДРЭМЖТЭЙ #ЗӨВ_ХАНДЛАГЫГ_ТҮГЭЭГЭЭРЭЙ