Хүүхдийн зураг, дуу, дуу-дүрсний бичлэгийг цахим орчинд нийтлэхдээ эцэг эхээс нь зөвшөөрөл аваарай.

Цахим орчин өнөө цагийн амьдралын чухал хэсэг болсон. Цахим орчин хувь хүн, байгууллагын хувьд асах их давуу талтай ч үүнийг ашиглахдаа хууль тогтоомжийг мөрдөн, хүүхдийн эрх, аюулгүй байдлыг нэн тэргүүнд тавьж, цахим орчин дахь хүүхдэд учирч болох аливаа эрсдэлээс урьдчилан сэргийлэх нь чухал юм.

НҮБ-ын Хүүхдийн эрхийн тухай конвенцын 16 дугаар зүйлд хүүхдийн хувийн амьдрал халдашгүй байх, нэр төр, алдах хүндэд хууль бусаар алдахаас хамгаалуулах эрхтэй гэж заасан.

Монгол Улс нь НҮБ-ын Хүүхдийн эрхийн тухай конвенцод 1991 онд нэгдэн орж, уг конвенцыг хэрэгжүүлэх үүрэг хүлээсэн. Энэ хүрээнд хэрэгжүүлсэн гол ажил нь хүүхдэд ээлтэй хууль эрх зүйн орчныг бүрдүүлэн ажиллаж байна.

Тухайлбал, Хүүхэд хамгааллын тухай хуулийг 2016 онд анх баталж, 2024 онд шинэчлэн баталсан. Уг хуулийн шинэчлэл дэх онцлох зохицуулалтын нэг нь цахим орчин дахь хүүхэд хамгаалал юм.

Уг хуулийн 25 дугаар зүйлийн 25.4 дэх хэсэгт хүүхдийн эцэг, эх, асран хамгаалагч, харгалзан дэмжигчийн зөвшөөрөлгүйгээр хүүхдийн зураг, дуу, дуу-дүрсний бичлэг агуулсан контент, мэдээ, мэдээлэл, бүтээлийг олон нийтэд түгээхийг хориглосон. Хэрэв хүүхдийн зураг, бичлэгийг цахим орчинд зөвшөөрөлгүйгээр нийтэлж, түгээвэл Зөрчлийн тухай хуулиар хариуцлага хүлээлгэх хуулийн зохицуулалт мөрдөгдөж эхлээд байна.

Хүүхдэд ээлтэй, аюулгүй цахим орчныг хамтдаа бүтээцгээе.