Нийслэлийн Хүүхэд, гэр бүлийн хөгжил, хамгааллын газраас Хүүхэд хамгааллын тухай хуульд орсон Цахим орчин дахь хүүхэд хамгааллын зохицуулалтын талаар мэдээлэл өгөх сургалтыг өнөөдөр Улаанбаатар зочид буудлын Сонгинохайрхан танхимд зохион байгууллаа.

 

 

Уг сургалтад хэвлэл мэдээллийн байгууллагын сэтгүүлчид, нийслэл, 9 дүүргийн хүүхэд хамгааллын мэргэжилтүүд зэрэг 30 гаруй хүн хамрагдсан бөгөөд Харилцаа холбооны зохицуулах хорооны Зохицуулалтын газрын Зохицуулалтын хэрэгжилтийн хэлтсийн дарга А.Уранчимэг “Цахим орчин дахь хүүхэд хамгаалал” сэдвээр танилцуулга хийлээ.